مدونة "حكي وحواديت" للكاتبة والروائية أميرة بهي الدين



الجمعة، 4 سبتمبر 2009

اللعبه !!!!!!!







بعد سنوات طويله من
الزواج المستقر ،طلقها زوجها فجآ !!!! عرفت انه يحب امرآه اخري!!!بكت ثم قررت ان تنساه!! فكرت في المرآه الاخري التي سلبتها زوجها،غضبت منها ثم قررت تنساها!!!
فكرت في حياتها التي انتهت فحزنت قليلا ثم قررت تنساها!!!

وعاشت حياتها الجديده !!!! عاشتها بطريقه غريبه ، غيرت كل عاداتها ، غيرت لون شعرها ، غيرت شكل ملابسها ، غيرت رقم تليفونها ، غيرت اثاث منزلها ، غيرت نفسها وطبيعتها واخلاقها وقررت تستمتع بحياتها الجديده و.......لم تكن شريره بل كانت مجروحه مهانه وقررت الانتقام من زوجها السابق بطريقتها !!! بعد بضعه شهور شاهدوها في احد المطاعم تجلس مع رجل غريب !!! تجرآ احدهم وسآلها " مين ده " ابتسمت ببراءه "حيطلق مراته ويتجوزني !!!" وانقطعت اخبارها عنهم !!!
بعد بضعه شهور اخري شاهدوها تخرج من الس
ينما تتآبط ذراع رجل لايعرفوه .. سآلتها صديقتها " كنت مع مين امبارح في السينما " ضحكت في التليفون وصارحتها " ده عايز يتجوزني حيموت ويتجوزني المشكله انه متجوز قلت له انا مش مستعده اتجوز راجل متجوز ، وعدني انه حيطلق مراته قريب جدا ويتجوزني !!!!" واختفت !!!
قاطعتها صديقه عمرها وصمتت لا تفسر سر تلك القطيعه .. وعندما سآلوها هي عن السبب هزت كتفها بلامبالاه وقالت " غيرانه مني ، اصل جوزها كان بيعاكسني ولما صديته حلف لي انه مستعد يطلقها ويتجوزني ، هي عرفت وقلبت الدنيا علي راسه وقاطعتني " اطلقت ضحكه مصطنعه واضافت " الرجاله كلهم بيموتوا في والستات كلهم بيغيروا مني !!!"
وبعد بضعه سنوات ، بقيت في منزلها وحيده لا ترد علي الهاتف ولا
تفتح بابها لاحد ، تعيش علي ذكرياتها " محمد كان بيحبني ونفسه يطلق مراته يتجوزني لكنه انا قلت له عيب تطلق مراتك علشاني ، والله العظيم عيط بالدموع وقالي بحبك موت ، قلت له انا مقدرش احب راجل خاين يطلق مراته علشان اي واحده تانيه حتي لو كنت انا !!! عبد الرحمن كان جبان قعد يحب في شهور واول مامراته عرفت اختفي وسابني ، راجل ضعيف معرفش يدافع عنه حبه ، علي العموم احسن ، انا كنت مابحبوش ، اصله ضعيف وجبان !!! سعيد ، منه لله سعيد ، طلق مراته وخرب بيته وجه يعيط لي طبعا اتخانقت معاه وقلت له هو انا كنت وعدتك بحاجه انا لسه بافكر في موضوعنا ، ياعيني الراجل اتجنن من كتر مابيحبني اتجنن خالص !!! رجائي ده حكايته حكايه ، ال ايه عايز يتجوزني عرفي ، ليه عرفي ، هو انا ااقل من مراته في ايه ، وبعدين مين قاله اني مستعد اكون زوجه تانيه ، يايطلق مراته علشاني ويابطل دوشه ، ياحرام طلقها بس متآخر قوي ، لما رجع لي كنت خلاص بطلت احبه ، حد قاله يتآخر !!!"
تضحك " دي لعبه سهله قوي مافيش اسهل منها ، شويه دلع وشويه حنان ، الراجل يسيب اللي وراه واللي قدامه ويطلق مراته ويجي جري!!!" تضحك اكثر " فيه رجاله تعبتني قوي ، لكن في الاخر كلهم وقعوا ، كلهم في الحقيقه اندال يفرطوا في ستاتهم بسهوله جدا علشان كلمتين كذب وشويه مياصه " تضحك اكثر " المصيبه ان اللي يقع فيهم خلاص مابيلزمنيش ، ليه و لانه ساعه مابيجي وينام تحت رجلي بتكون اللعبه خلاص خلصت وماعدتش عجباني !!! "....
وتتذكر زوجها الذي طلقها فجآ وتبكي!!! وتتذكر طابور
الرجال الذين وقعوا في شباكها وطلقوا نسائهم من اجلها والبيوت التي خربتها والاطفال اللذين شردوا بسببها وتبكي!! تتذكر نفسها وكل النساء اللاتي صرن ضحايا لرجل عابث وامرآه لامباليه فتبكي اكثر واكثر!!!!


ليست هناك تعليقات: