حتكون ضاعت !!!!!!!!

مسحت دموعها وهمست " لما البنت حتروح لجدتها ، يعني اذا سبتها تروح ، حيطاهروها " لم افهم " اصل جدتها شايفه ان طهاره البنات ضروره " نظرت في وجهي تبحث عن وقع كلماتها " ساعتها حاعمل ايه حاحبسها ، طظ ، لكن البنت حتكون ضاعت !!!!" لم اجيبها باي كلمه همست " ابوها شايف ان كلام امه غلط لكن مايقدرش يقول لها لا " مسحت دموعها " انا اخترت راجل تافهه امه مسيطره عليه وممشياه وبتعمل اللي هي عايزاه فيه وفي بنتي ، انا اتطلقت منه وهربت من القرف ده " مسحت دموعها " حاطلق البنت منه ازاي كمان ؟؟؟ "
ابتسمت ابتسامه مريره واشعلت سيجارتي وصمتت فكلامها تخريف ليس له اجابه سآلتني بيآس " القانون حيحمي البنت ازاي من جدتها ؟؟؟؟؟ " لم اجيب فالقانون لم يتصور ان تآذي الجده حفيدتها و لم يتصور المشكله فبالتالي لم يضع لها حلا !! مسحت دموعها واطفئت سيجارتها وقامت علي وجهها تعبير غريب " خلاص يبقي يشوفوها تاني بقي " وقبل خروجها من الباب همست " عيشه تقرف ، الواحد يغلط غلطه واحده في حياته يفضل يدفع تمنها طول العمر " وافقتها واضفت " يفضل يدفع تمنها هو وناس كتير تانيه " افكر في ابنتها الصغيره فتلك الابنه التي انجبتها من الرجل التافهه اللي امه مسيطره عليه ستدفع طيله حياتها ثمن اختياراتها الفاشله ، واذا كانت هي قد فرت من تفاهة زوجها بالطلاق فالبنت ستبقي اسيره تلك التفاهه بالبنوه والابوه ماحييت وستدفع الثمن الباهظ للخطآ الذي ارتكبته امها في حق نفسها وحقها ...... وتركتني ورحلت وبقيت افكر في الثمن الباهظ للاختيارات الفاشله الذي سيدفعه الجميع !!!!!!