حدوته بسيطه خالص اسمها حب الوطن .... !!!!

الحدوته بسيطه خالص
شعب بيحب وطنه
شعب نفسه ينبسط
شعب نفسه يرفع علم بلده بمنتهي الفخر والمحبه !!!!
وفريق المنتخب قرب من الحلم ... والحلم اسعد المصريين ...
ولما اتغلبنا " بصرف النظر عن رايينا في كل اللي حصل " خسرنا ماتش ..
وكسبنا اعلامنا مرفوعه وهتفضل مرفوعه ....
حدوته بسيطه خالص اسمها " حب الوطن " !!!!!

البهجة ... !!!

البهجة ......

وبارخص الاسعار ......

صناعه مصرية جدا ....

عندما يآتي المساء ...

عندما يآتي المساء...
تتحول الحواديت .... لاحلام ملونة ..
وتنام المدينه سعيده ....

الصوره بتتكلم ....!!!

كل صوره حدوته
كل صوره انسان
كان رايح كان جاي
كان بيفكر في حاجه منعرفهاش ..
عايز ايه
هو مقالش
ماافصحش
مااتكلمش
لكن الصوره بتتكلم !!!!

الوحده !!!!!!!

للوحده جمالها .......!!!!!

ابتسامات !!!!!!!

تجمع تلك الوجوه ابتسامه صغيره وعيون لامعه وروح جميله مميزه !!!

مدينه خاصه جدا !!!!!!

انها مدينه خاصه جدا

لها شخصيه غريبه محيره
لها الف شخصيه و شخصيه
مثل اهلها طيبه
عنيده .. كتومه .. راضيه ..
قانعه .. متمرده .. غاضبه
لها الف وجه ...
وروح واحده
بسبع ارواح ...
وعجوزه وشابه ...
التاريخ عدي عليها
وقعد مارضيش يمشي ..
وفتح دفاتره وصفحاته
وجهز ااقلامه ومعرفش يكتب
كل حدوته من حواديتها
ليها الف شكل ومليون تفصيله
وكل راوي بيقول حقيقته
والحقيقه فيها ليها الف معني !
مدينه خاصه جدا جدا !!!
ليست قاهره المعز !!!
بل قاهرتنا كلنا !!!

باحب المصريين ....!!!

باحب المصريين جدا .... باحبهم واحترمهم ...
وبس خلاص ....
ويافنانينا المبدعين ... ياللي صورتم الصور دي ....
شكرا لكم ... ستين شكرا لكم !!!!

اجمل الحواديت ....!!!

البشر حواديت
حتي لو ماقالوش ..
لو سكتوا ..
لو رقصوا ..
لو غنوا ..
لو ابتسموا للحياه
واحبوها ......
نظره عينهم
نبره الفرحه في صوتهم
حبهم للحياه ...
بيقول لنا
ويحكي اجمل الحواديت ...

والشكر للفنانين المبدعين

ممن قصوا علينا
بكاميراتهم الحساسه
وعيونهم الفنانه
اجمل الحواديت

البشر حواديت ......

الشوارع حواديت ......
والبشر حواديت ........
كل انسان حدوته .. موضوع .. اسرار .. احلام ...
كل انسان حدوته لوحده ، محدش حدوتته زي التاني ولا حد تشبهها ..
حواديتنا زي بصمات اصباعنا لا يمكن تتطابق ابدا ..
وكنت ابحث علي صوره لموضوع كتبته فاسرتني الصور اللي كنت بدور عليها تحت عنوان وجوه من مصر ..
لقيت الف وجه من مصر ...
صغار كبار شباب شيوخ نساء رجال ...
الف وجه من مصر .. يجمعهم الطيبه الجدعنه القناعه يجمعهم حب الحياه .....
ونسيت الموضوع اللي كنت باكتبه وضاع يوم واتنين مع الصور ....
صور قبض علي احاسيسها الطيبه فنانين لااعرف اسماءهم ، فنانين مبدعين احبوا هذا الوطن بنفس القدر الذي احبه به ...
وها انا اعرض فنهم ابداعهم ...
اللحظات التي قبضوا عليها ....
الوجوه التي خلدوها في لقطاتهم ...
واعتذر بشده اني لم اعرف اسماء هؤلاء المبدعين ..لكني احييهم واقدر فنهم ....
واشكرهم انهم اسعدونا ..
اسعدونا جدا ....